น สมุทโย น สจฺจํ?
น สจฺจา น ทุกฺขํ?…เป.… น สจฺจา น มคฺโค?
น นิโรโธ น สจฺจํ?
น สจฺจา น ทุกฺขํ?…เป.… น สจฺจา น มคฺโค?
(ก) น มคฺโค น สจฺจํ?
(ข) น สจฺจา น ทุกฺขํ?
(ก) น มคฺโค น สจฺจํ?
(ข) น สจฺจา น สมุทโย?
(ก) น มคฺโค น สจฺจํ?
(ข) น สจฺจา น นิโรโธ?
ปณฺณตฺติอุทฺเทสวาโรฯ
1. ปณฺณตฺติวาร
(ข) นิทฺเทโส
1. ปทโสธนวาโร
(ก) อนุโลมํ
[10] (ก) ทุกฺขํ ทุกฺขสจฺจนฺติ? อามนฺตาฯ
(ข) ทุกฺขสจฺจํ ทุกฺขนฺติ?
กายิกํ ทุกฺขํ เจตสิกํ ทุกฺขํ ฐเปตฺวา อวเสสํ ทุกฺขสจฺจํ [อวเสสํ ทุกฺขสจฺจํ ทุกฺขสจฺจํ (สฺยา.) เอวมุปริปิ], น ทุกฺขํฯ กายิกํ ทุกฺขํ เจตสิกํ ทุกฺขํ ทุกฺขญฺเจว ทุกฺขสจฺจญฺจฯ
(ก) สมุทโย สมุทยสจฺจนฺติ?
สมุทยสจฺจํ ฐเปตฺวา อวเสโส สมุทโย, น สมุทยสจฺจํฯ สมุทยสจฺจํ สมุทโย เจว สมุทยสจฺจญฺจฯ
(ข) สมุทยสจฺจํ สมุทโยติ? อามนฺตาฯ
(ก) นิโรโธ นิโรธสจฺจนฺติ?
นิโรธสจฺจํ ฐเปตฺวา อวเสโส นิโรโธ, น นิโรธสจฺจํฯ นิโรธสจฺจํ นิโรโธ เจว นิโรธสจฺจญฺจฯ
(ข) นิโรธสจฺจํ นิโรโธติ? อามนฺตาฯ
(ก) มคฺโค มคฺคสจฺจนฺติ?
มคฺคสจฺจํ ฐเปตฺวา อวเสโส มคฺโค, น มคฺคสจฺจํฯ มคฺคสจฺจํ มคฺโค เจว มคฺคสจฺจญฺจฯ
(ข) มคฺคสจฺจํ มคฺโคติ? อามนฺตาฯ
(ข) ปจฺจนีกํ
[11] (ก) น ทุกฺขํ น ทุกฺขสจฺจนฺติ?
กายิกํ ทุกฺขํ เจตสิกํ ทุกฺขํ ฐเปตฺวา อวเสสํ น ทุกฺขํ [อวเสสํ ทุกฺขสจฺจํ น ทุกฺขํ (สี. สฺยา. ก.) เอวํ อวเสเสสุ ตีสุ สจฺเจสุ] ทุกฺขสจฺจํฯ ทุกฺขญฺจ ทุกฺขสจฺจญฺจ ฐเปตฺวา อวเสสํ น เจว ทุกฺขํ น จ ทุกฺขสจฺจํฯ
(ข) น ทุกฺขสจฺจํ น ทุกฺขนฺติ? อามนฺตาฯ
(ก) น สมุทโย น สมุทยสจฺจนฺติ? อามนฺตาฯ
(ข) น สมุทยสจฺจํ น สมุทโยติ?
สมุทยสจฺจํ ฐเปตฺวา อวเสโส น สมุทยสจฺจํ, สมุทโยฯ สมุทยญฺจ สมุทยสจฺจญฺจ ฐเปตฺวา อวเสโส น เจว สมุทโย น จ สมุทยสจฺจํฯ
(ก) น นิโรโธ น นิโรธสจฺจนฺติ? อามนฺตาฯ
(ข) น นิโรธสจฺจํ น นิโรโธติ?
นิโรธสจฺจํ ฐเปตฺวา อวเสโส น นิโรธสจฺจํ, นิโรโธฯ นิโรธญฺจ นิโรธสจฺจญฺจ ฐเปตฺวา อวเสโส น เจว นิโรโธ น จ นิโรธสจฺจํฯ
(ก) น มคฺโค น มคฺคสจฺจนฺติ? อามนฺตาฯ
(ข) น มคฺคสจฺจํ น มคฺโคติ?
มคฺคสจฺจํ ฐเปตฺวา อวเสโส น มคฺคสจฺจํ, มคฺโคฯ มคฺคญฺจ มคฺคสจฺจญฺจ ฐเปตฺวา อวเสโส น เจว มคฺโค น จ มคฺคสจฺจํฯ
2. ปทโสธนมูลจกฺกวาโร
(ก) อนุโลมํ
[12] (ก) ทุกฺขํ ทุกฺขสจฺจนฺติ? อามนฺตาฯ
(ข) สจฺจา สมุทยสจฺจนฺติ?
สมุทยสจฺจํ สจฺจญฺเจว สมุทยสจฺจญฺจฯ อวเสสา สจฺจา [อวเสสา สจฺจา สจฺจา (สฺยา.)] น สมุทยสจฺจํฯ
ทุกฺขํ ทุกฺขสจฺจนฺติ? อามนฺตาฯ
สจฺจา นิโรธสจฺจนฺติ?…เป.… สจฺจา มคฺคสจฺจนฺติ?
มคฺคสจฺจํ สจฺจญฺเจว มคฺคสจฺจญฺจฯ อวเสสา สจฺจา น มคฺคสจฺจํฯ
[13] สมุทโย สมุทยสจฺจนฺติ?
สมุทยสจฺจํ ฐเปตฺวา อวเสโส สมุทโย, น สมุทยสจฺจํฯ สมุทยสจฺจํ สมุทโย เจว สมุทยสจฺจญฺจฯ สจฺจา ทุกฺขสจฺจนฺติ? …เป.… สจฺจา นิโรธสจฺจนฺติ?…เป.… สจฺจา มคฺคสจฺจนฺติ?
มคฺคสจฺจํ สจฺจญฺเจว มคฺคสจฺจญฺจฯ อวเสสา สจฺจา น มคฺคสจฺจํฯ
[14] นิโรโธ นิโรธสจฺจนฺติ?
นิโรธสจฺจํ ฐเปตฺวา อวเสโส นิโรโธ, น นิโรธสจฺจํฯ นิโรธสจฺจํ นิโรโธ เจว นิโรธสจฺจญฺจฯ
สจฺจา ทุกฺขสจฺจนฺติ?…เป.… สจฺจา สมุทยสจฺจนฺติ? …เป.… สจฺจา มคฺคสจฺจนฺติ?
มคฺคสจฺจํ สจฺจญฺเจว มคฺคสจฺจญฺจฯ อวเสสา สจฺจา น มคฺคสจฺจํฯ